"ಥಟ್ ಅಂಥ ಹೇಳಿ "

ಚಂದನ ವಾಹಿನಿಯಲ್ಲಿ ನಮ್ಮ

 ಮಕ್ಕಳು ಪ್ರೌಢಶಾಲೆ ಗಳಿಗಾಗಿ 

ನಡೆದ "ಥಟ್ ಅಂಥ ಹೇಳಿ "

 ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.

ಚಂದ ಪದ್ಯ

ಮಕ್ಕಳ ರೈಲು ಬಂತು

ಚುಕ್ಕು ಚುಕ್ಕು ಚುಕ್ಕೂ

ಮರದಲ್ಲಿ ಹಕ್ಕಿಯೊಂದು

ಕುಕ್ಕು ಕುಕ್ಕು ಕುಕ್ಕೂ

ಕುರುಕು ತಿಂಡಿಯನ್ನು

ಮುಕ್ಕು ಮುಕ್ಕು ಮುಕ್ಕೂ

ಪರೀಕ್ಷೆಯಲ್ಲಿ ಉತ್ತರವ

ಕಕ್ಕು ಕಕ್ಕು ಕಕ್ಕೂ

ಜಾಡಿಯ ಉಪ್ಪಿನಕಾಯಿ

ನೆಕ್ಕು ನೆಕ್ಕು ನೆಕ್ಕೂ

ಬಾಯಿ ಖಾರವಾದರೆ

ಹುಕ್ಕು ಹುಕ್ಕು ಹುಕ್ಕೂ

ರಜೆಯಲ್ಲಿ ಪಠ್ಯಕ್ಕೆ

ತುಕ್ಕು ತುಕ್ಕು ತುಕ್ಕೂ

ಶಾಲೆ ಶುರುವಾದಾಗ

ಬಿಕ್ಕು ಬಿಕ್ಕು ಬಿಕ್ಕೂ

ದುಷ್ಟನಾ ಮೈತುಂಬಾ

ಸೊಕ್ಕು ಸೊಕ್ಕು ಸೊಕ್ಕೂ

ಆಳಿಗೊಂದು ಗುದ್ದನ್ನು

ಹಾಕು ಹಾಕು ಹಾಕೂ

ಅಜ್ಜಿಯ ಚರ್ಮವೆಲ್ಲಾ

ಸುಕ್ಕು ಸುಕ್ಕು ಸುಕ್ಕೂ

ಅಜ್ಜಿ ಕತೆ ಕೇಳಿ ಎಲ್ಲಾ

ನಕ್ಕು ನಕ್ಕು ನಕ್ಕೂ

ನಾಯಿಯು ಬೊಗಳುವುದು

ಬ್ಯಕ್ಕು ಬ್ಯಕ್ಕು ಬ್ಯಕ್ಕೂ

ಕುದುರೆಯು ಓಡುವುದು

ಟೊಕ್ಕು ಟೊಕ್ಕು ಟೊಕ್ಕೂ

ಮನೆಯಲ್ಲಿರಲಿ ನಾಯಿ ಜೊತೆ

ಬೆಕ್ಕು ಬೆಕ್ಕು ಬೆಕ್ಕೂ

ಜೊತೆಗಿಷ್ಟು ಹಕ್ಕಿಗಳು

ಬೇಕು ಬೇಕು ಬೇಕೂ

ಅಮ್ಮನ ಕೂದಲೆಲ್ಲಾ

ಸಿಕ್ಕು ಸಿಕ್ಕು ಸಿಕ್ಕೂ

ಅಪ್ಪನ ಬೂಟು ದನಿ

ಟಕ್ಕು ಟಕ್ಕು ಟಕ್ಕೂ

ಯಾವಾಗಲೂ ಮಿನುಗಬೇಕು

ಲಕ್ಕು ಲಕ್ಕು ಲಕ್ಕೂ

ಇಲ್ಲವಾದ್ರೆ ಮುಸ್ರೆ ಪಾತ್ರೆ

ತಿಕ್ಕು ತಿಕ್ಕು ತಿಕ್ಕೂ

ಓದಬೇಕು ರಾಶಿ ರಾಶಿ

ಬುಕ್ಕು ಬುಕ್ಕು ಬುಕ್ಕೂ

ಒಳ್ಳೆಯ ವಿಷಯವನ್ನೆ

ಹೆಕ್ಕು ಹೆಕ್ಕು ಹೆಕ್ಕೂ

ಪರೀಕ್ಷೆ ಬಂತಂದ್ರೆ

ಪುಕ್ಕು ಪುಕ್ಕು ಪುಕ್ಕೂ

ಮೇಷ್ಟರು ಕೊಡ್ತಾರೆ

ಕಿಕ್ಕು ಕಿಕ್ಕು ಕಿಕ್ಕೂ

ಮಕ್ಕಳ ಸಂಭ್ರಮದ

ಉಕ್ಕು ಉಕ್ಕು ಉಕ್ಕೂ

ನೋಡಲು ಚಂದ ಅದರ

ಲಕ್ಕು ಲಕ್ಕು ಲಕ್ಕೂ

ತೋರಬೇಕು ಮಕ್ಕಳಿಗೊಳ್ಳೆ

ದಿಕ್ಕು ದಿಕ್ಕು ದಿಕ್ಕೂ

ದಕ್ಕಬೇಕು ಮಕ್ಕಳಿಗವರ

ಹಕ್ಕು ಹಕ್ಕು ಹಕ್ಕು

ಮುದ್ದು ತೀರ್ಥಹಳ್ಳಿ 

( ಪ್ರಜಾವಾಣಿ ಸಾಪ್ತಾಹಿಕದಲ್ಲಿ ಪ್ರಕಟ )

ಗೋವಿಂದ ಪೈ ಅವರ ಕವಿತೆ: ನವೋದಯ ಚೌಕಟ್ಟಿನಲ್ಲಿ

ಹೊಸಗನ್ನಡದ ಕಿರಣೋದಯಕ್ಕೆ ತಮ್ಮ ವ್ಯಕ್ತಿತ್ವದ ಪ್ರಭೆಯನ್ನು ಸೇರಿಸಿದ ಹಲವು ಹಿರಿಯ ಸಾಹಿತಿಗಳಲ್ಲಿ ಗೋವಿಂದ ಪೈ ಅವರೂ ಒಬ್ಬರು. ಕನ್ನಡ ಕಾವ್ಯ ಸ್ಥಗಿತಗೊಂಡು  ಆಗಲೇ ಮೂರು ದಶಕಗಳಾಗಿದ್ದ ಅಂದಿನ ಪರಿಸರದಲ್ಲಿ, ಅದಕ್ಕೆ ಹೊಸ ನೀರನ್ನು ನುಗ್ಗಿಸಿ,ಹೊಸ ಕಾಲುವೆಗಳನ್ನು ತೋಡಿ, ಹೊಸ ಹಸಿರನ್ನು ಬೆಳೆಯಲು ಶ್ರಮಿಸಿದವರಲ್ಲಿ ಪೈ ಅವರು ಮುಖ್ಯರಾದವರು. ಅಂದಿನ ಸಾಹಿತ್ಯಕ್ಕೆ ಚಲನಶೀಲತೆಯನ್ನು ತರುವ ಹೊಸರೂಪಗಳ ಹುಡುಕಾಟ ನಡೆದದ್ದು, ಮಂಗಳೂರು, ಮೈಸೂರು ಮತ್ತು ಧಾರವಾಡದ ಪರಿಸರಗಳಲ್ಲಿ.ಮಂಗಳೂರಿನ ಪರಿಸರದಲ್ಲಿ ಇನ್ನೂ ಹಲವರ ಜತೆ, ತಮ್ಮ ಸಂಶೋಧನೆ ಹಾಗೂ ಬರೆಹಗಳ ಮೂಲಕ, ಹೊಸ ರೂಪಗಳನ್ನು ಕನ್ನಡ ಸಾಹಿತ್ಯಕ್ಕೆ ತಂದವರು ಪೈ ಅವರು ಸಾಹಿತ್ಯ ಸಂಶೋಧನೆ ಮತ್ತು ಕಾವ್ಯ ಈ ಎರಡೂ ಅವರು ಕೆಲಸ ಮಾಡಿದ ಪ್ರಮುಖ ಕ್ಷೇತ್ರಗಳು. ಕನ್ನಡ ಸಂಶೋಧನೆಯ ಶಿಲಾತಲದಿಂದ ಅವರು ತೆಗೆದ ಎಷ್ಟೋ ಸಂಗತಿಗಳು, ಮುಂದಿನವರ ಚಿಂತನೆಯ ನೆಲೆಗಟ್ಟುಗಳಾಗಿವೆ.

ಗೋವಿಂದ ಪೈ ಮೊದಲು ತಮ್ಮ ಕವಿತೆಯನ್ನು ಪ್ರಕಟಿಸಿದ್ದು ೧೯೦೦ರಲ್ಲಿ; ಆನಂತರ ಆರು ದಶಕಗಳವರೆಗೆ ಸಾಗಿತು ಅವರ ಸಾಹಿತ್ಯ ನಿರ್ಮಿತಿ. ಪೈ ಅವರು ಸಾಹಿತ್ಯ ನಿರ್ಮಿತಿಗೆ ತೊಡಗಿದ ಕಾಲವನ್ನು ಇಂದು ನಾವು ‘ನವೋದಯ’ ಎಂದು ಗುರುತಿಸುತ್ತೇವೆ, ಮತ್ತು ಕಾವ್ಯದ ಮಟ್ಟಿಗೆ ಅವರನ್ನು ನವೋದಯ ಪರಂಪರೆಗೆ ಸೇರಿದವರು ಎಂದು ಪರಿಗಣಿಸುತ್ತೇವೆ. ಇಂದು ಯಾವುವನ್ನು ‘ನವೋದಯ ಸಾಹಿತ್ಯದ ಲಕ್ಷಣಗಳು’ ಎಂದು ಗುರುತಿಸುತ್ತೇವೆಯೋ, ಅವು ಪೈ ಅವರ ಕಾವ್ಯದಲ್ಲಿ ಸಮೃದ್ಧವಾಗಿ ಕಾಣಿಸಿಕೊಳ್ಲುತ್ತವೆ. ಈ ದೃಷ್ಟಿಯಿಂದ ಪೈ ಅವರ ಕಾವ್ಯ ನವೋದಯದ ಚೌಕಟ್ಟಿನೊಳಗಣದು. ನವೋದಯ ಕಾವ್ಯದ ಈ ಹಾದಿಯಲ್ಲಿ, ಕನ್ನಡ ಕಾವ್ಯ ಪ್ರಕಾರಗಳ ದೃಷ್ಟಿಯಿಂದ ಮತ್ತು ಪ್ರಯೋಗಗಳ ದೃಷ್ಟಿಯಿಂದ ಹಲವು ‘ಮೊದಲು’ಗಳನ್ನು ತೆರೆದವರು ಅವರು

from: kanaja

ನಮ್ಮ ಶಾಲೆಯ ಮಕ್ಕಳ ವಸ್ತ್ರ ವಿನ್ಯಾಸ

ಏನೆಂದರು ತುಂಭಾ ಕಷ್ಟದ ವಿಚಾರವೇ
ಬರೆಯುವುದೆಂದರೆ...............